അമൃത് — 100 പലം — 4.8 kg ദശമൂലം എല്ലാംകൂടി — 100 പലം — 4.8 kg വെള്ളം — 4 ദ്രോണം / 64 ഇടങ്ങഴി — 49.15 L കഷായം കുറച്ച് ശേഷിക്കുന്നത് — 16 ഇടങ്ങഴി — 12.29 L ശര്‍ക്കര — 2 തുലം — 9.6 kg പ്രക്ഷേപ ദ്രവ്യങ്ങള്‍: അയമോദകം — 16 പലം — 768 g പര്‍പ്പടകപ്പുല്ല് — 2 പലം — 96 g ഏഴിലംപാലത്തൊലി — 1 പലം — 48 g ചുക്ക് — 1 പലം — 48 g കുരുമുളക് — 1 പലം — 48 g തിപ്പലി — 1 പലം — 48 g മുത്തങ്ങാക്കിഴങ്ങ് — 1 പലം — 48 g നാഗകേസരം — 1 പലം — 48 g കടുകുരോഹിണി — 1 പലം — 48 g അതിവിടയം — 1 പലം — 48 g കുടകപ്പാലയരി — 1 പലം — 48 g

അമൃതും ദശമൂലവും ചതച്ചു 64 ഇടങ്ങഴി വെള്ളത്തില്‍ കഷായം വെച്ച് നാലിലൊന്നായി, അതായത് ഏകദേശം 16 ഇടങ്ങഴിയായി കുറയ്ക്കുക. കഷായം തണുത്തശേഷം പിഴിഞ്ഞ് അരിച്ചെടുക്കുക. അതില്‍ രണ്ടുതുലം ശര്‍ക്കര കലക്കി ശുദ്ധമായ പാത്രത്തിലോ കുടത്തിലോ ഒഴിക്കുക. അയമോദകം 16 പലം, പര്‍പ്പടകപ്പുല്ല് 2 പലം, ഏഴിലംപാലത്തൊലി, ചുക്ക്, കുരുമുളക്, തിപ്പലി, മുത്തങ്ങാക്കിഴങ്ങ്, നാഗകേസരം, കടുകുരോഹിണി, അതിവിടയം, കുടകപ്പാലയരി എന്നിവ ഓരോ പലം വീതം പൊടിച്ച് മേല്‍പറഞ്ഞ കഷായത്തില്‍ ചേര്‍ക്കുക. പാത്രം മൂടി കെട്ടി ഒരു മാസം സൂക്ഷിക്കുക. ശേഷം തെളിച്ചെടുത്ത് ഉപയോഗിക്കുക.